Bago pa man nakapanayam ng ABS-CBN.com ang Pinoy Big Brother Teen Edition Plus Big Winner na si Ejay Falcon ay nabanggit na ni Erich Gonzales ang tungkol sa pagsabak nila sa kauna-unahan nilang onscreen kissing scenes at love scene sa Katorse. Sinabi rin ng dalaga na mula noon ay inaasar na siya ng young actor na, “Naku Erich, ang galing-galing mo (humalik)!” Hindi naman na-offend ang dalaga dahil biruan lang naman nila ito. Ngunit nang banggitin ito ng ABS-CBN.com kay Ejay ay halatang nagulat ito na umabot na ang balita sa mga reporters. “Hindi... Ano ba yan Erich bakit mo sinabi? Erich naman o, sikreto yun eh!” natatawang umpisa ni Ejay.
Aminado ang binata na hindi naging madali sa kanila ang pagkakaroon ng kissing scene na sa pagkakatanda niya ay dalawang beses nilang kinailangang gawin ayon sa script. Kwento pa ni Ejay, kabado daw siya noong una dahil alam niyang wala pang karanasan sa mga ganoong bagay si Erich. “[Yung kissing scene], first time ko on TV. Nung workshop pa lang namin sinabi niya na ako yung parang magiging first kiss [niya]. Kinabahan ako kasi siyempre hindi pa siya marunong. [Pero] hindi ko siya tinuruan. Nag-workshop naman kami tungkol dun. So nagawa naman namin ng tama tsaka sabi ni Direk (Malou Sevilla) ok naman yung kinalabasan.”
Nakarating din kay Ejay ang balitang tila pinagselosan siya ng kanilang co-star na si Xian Lim (dating ka-love team ni Alex Gonzaga sa Your Song Presents My Only Hope) na ‘di umano ay isa sa mga suitors ni Erich ngayon. “Hindi, alam na niya yun eh, story conference pa lang. Ewan ko, hindi naman niya sinasabi. Basta wala naman akong gagawing masama kay Erich. Hindi ko naman sasamantalahin yung pagkakataon.” Kung saka-sakali mang nagkakabutihan na sina Xian at Erich ay happy naman daw siya para sa dalawa. “Hindi ko pa alam pero kung ganoon man, basta gusto nila yung isa’t isa, bakit hindi? Wala naman akong karapatan para pigilan sila ‘di ba? Basta sa akin professional lang, trabaho lang,” giit pa niya.
Nang tanungin namin siya tungkol sa kanyang love life ay diretso naman niyang sinagot na hindi natuloy ang blooming romance sa pagitan niya at ex-housemate na si Valerie Weigmann. “Matagal na kaming walang komunikasyon. Wala pa akong nililigawan sa ngayon, hindi ko pa iniiisip ‘yan. Priority ko kasi yung family tsaka career ko. Since nagsisimula pa lang ako sa showbiz, mas magandang dun muna ako mag-concentrate. Tsaka ‘yang love life, darating din ‘yan sa tamang panahon.” Kung meron man siyang hinahangaang celebrity, sino kaya yun? “Marami eh. Lalo na dito sa ABS-CBN madaming magaganda. Katulad ni Cristine Reyes siguro, nasa kanya na lahat eh,” dagdag pa ni Ejay.
Sa huli ay masayang ibinahagi ni Ejay ang kanyang pasasalamat sa lahat nang patuloy na sumusuporta sa kanya mula noong sumali siya sa PBB. “Nakakatuwang marinig na ngayon pa lang excited na yung ibang manonood na makita kami nila Erich at Xian sa Katorse. Sana ay umpisa pa lang ito ng mas maganda pang
No comments:
Post a Comment